BAGUHAN PA lang ang kapatid ko sa trabaho niya sa Saudi. Ang layo ng bahay niyang
pinagtatrabahuhan. Mula sa embassy natin dito ay halos 200 kilometro.
Minsan ay may nais siyang itanong sa mga tauhan ng ating embahada kaya’t
nagpasya siyang magpunta roon. Wala siyang makuhang ibang sasakyan
kaya’t nag-taxi na lang siya. Kamalas-malasan, luku-luko ang driver ng
nasakyan niyang taxi. Kung saan-saan siya idinaan, nagpasikut-sikot para
mapalaki ang pamasahe niya. Dahil dito, ang ginastos niya sa taxi ay
halos katumbas ng isang buwang suweldo niya. Ang inireklamo pa naman
niya sa embassy ay ang ‘di pagpapasahod sa kanya ng amo niya. Wala
kayang magagawang sistema ang ating gobyerno para mabawasan naman ang
ganitong kalbaryo na dinaranas ng ating mga kababayan sa ibang bansa? — Dionisio ng Tagkawayan, Quezon
[...] Continue reading: PinoyParazzi.com [...]
No comments:
Post a Comment